لە ترایلەری نوێترین زنجیرەی مارڤێلدا بە ناوی”Ms Marvel”، “کامالا خان” دەردەکەوێت، کە یەکەمین پاڵەوانی مسوڵمانی ناو كارەكانی مارڤێلە.
لەم زنجیرەیەدا کامالا خان، کە ئیمان ڤێلانی ڕۆڵەکەی دەگێڕێت، کچێکی گەنجی موسڵمانە و حەزی بە یاریی ئەلیکترۆنی و نووسینی خەیاڵییە لەبارەی ئەو خەڵکە بەناوبانگانەوە کە پێیان سەرسامە.
لە قۆناغێکی زنجیرەکەدا کامالا هەستێکی “سەیروسەمەرە”ی دەبێت، ئیدی چەند توانایەکی ناسروشتی پەیدا دەکات و دەبینێت کە ئەویش بووە بەو پاڵەوانانەی پێیان سەرسامە.
مارک ڕوفالۆ کە لای بینەران زیاتر بە “هوڵک” ناسراوە و ڕۆلی ئەو کەسایەتییە دەگێڕێت، وەک پیرۆزباییەک لە تویتەر، ترایلەری زنجیرەکەی بڵاوکردووەتەوە و نووسیویەتی، “ئێمە مارڤێلمان خۆشدەوێت، چونکە ئەو جیهانە دەنوێنێتەوە کە تێیدا دەژین”.
“Ms Marvel” زنجیرەیەکە سەر بە جیهانی تەلەڤیزیۆنیی مارڤێلە و وا بڕیارە مانگی حوزەیران لە “+Disney” نمایشبکرێت.
