جۆردی کرۆیف، بەڕێوەبەری تەکنیکیی یانەی بەرشلۆنە لە ڕووبەڕووبوونەوەی نێوان ئەیاکس ئەمستەردامی هۆڵەندی و بەنفیکای پۆرتوگالی ئامادەبووە بۆ چاودێریکردنی پێنج یاریزان.
بەپێی زانیارییەکانی ماڵپەڕی “تریبونا”، ئامادەبوونی کرۆیف لە ڕووبەڕووبوونەوەکەدا بەبێ هۆکار نەبووە، بەڵکو ئەگەرەکان بەو ئاراستەیەن بۆ چاودێریکردنی یەکێک لە کۆی پێنج یاریزان بووە، کە لە هەمان یاریدا بەشداربوون.
ئەمەش لیستی ئەو یاریزانانەیە کە ئەگەر هەیە لەلایەن بەرشلۆنەوە چاودێری بکرێن:
- نوسەیڕ مەزراوی
باس لەوە دەکرێت، کە بەرشلۆنە لە یاریزانەکە نزیکبووەتەوە، دەیانەوێت هاوینی 2022 دوای کۆتاییهاتنی بۆندەکەی بێبەرامبەر دابینیبکەن.
- ئەلێکس گریماڵدۆ
یەکێکە لە ئامانجەکانی یانەی بەرشلۆنە، تەنانەت یانەی بەنفیکا بەدوای بەرگریکارێکی باڵی چەپدا دەگەرێت بۆ جێگرتنەوەی ئەم یاریزانە لە ئەگەری گواستنەوەی بۆ خوولی ئیسپانیا.
لەم وەرزەدا گریماڵدۆ بە 14 گۆڵ کاریگەری دروستکردووە، لە کۆی 41 یاریدا بۆ یانە پۆرتوگالییەکەی.
- داروین نونێز
هێرشبەرە ئۆرۆگوایییەکە لە لیستی داواکارییەکانی یانەی بەرشلۆنەدایە، ئەم یاریزانە لە پێشوودا لەلایەن لویس سوارێزەوە پێشنیازکراوە بۆ ئیدارەی بارسا.
هێرشبەرەکە 22 ساڵە و یەکێکە لە باشترینەکان، لەم وەرزەدا 26 گۆڵی لە 33 یاریدا تۆمارکردووە.
- ئاندرێ ئۆنانا
گۆڵچی-یە کامیرۆنییەکە بە یانەی بەرشلۆنەوە بەستراوەتەوە، وەک جێگرەوەیەک بۆ مارک ئەندرێ شتیگن.
- ئانتۆنی
یاریزانەکە لە باڵی ڕاستی هێرشبەریدا یاریدەکات، هاندەرانی بەرشلۆنە باش دەیناسن، چونکە بەم دواییانە بیرۆکەی خۆی دووپاتکردەوە، کە ڕۆژێک لە لالیگا یاریبکات.
لەم وەرزەدا 11 گۆڵ و 10 ئەسیستی لە 32 یاریدا بۆ ئەیاکس ئەمستەردام تۆمارکردووە.
