باڵیۆزی ئێران لە عێراق ئاشكرایدەكات، هێرشە مووشەكییەكەی سەر هەولێر دژی عێراق و ئەمریكا نەبووە، بەڵكو دژ بە ئیسرائیل بووە.
ئیرەج مەسجدی، باڵیۆزی كۆماری ئیسلامیی ئێران لە وتارێكیدا بڵاویكردووەتەوە، هێرشە مووشەكییەكەی بەرەبەیانی یەكشەممە، دژ بە سەروەرییەكانی خاكی عێراق و هێزەكانی ئەمریكا نەبووە، بەڵكو دژ بە ئیسرائیل ئەو هێرشە مووشەكییە ئەنجامدراوە.
باڵیۆزەكەی ئێران نووسیویشیەتی، “هێرشە مووشەكییەكەی سەر چەند ناوچەیەكی هەولێر پەیوەندیی بە پێشێلكردنی سەروەریی خاكی عێراقەوە نییە، ئەگەر ئیسرائیل لە هەولێر دەربكرانایە، ئەو هێرشە مووشەكییانە ئەنجامنەدەدران”.
