دەستەی کەشناسی و بومەلەرزەزانیی عێراق بڵاویکردەوە، لە مانگی ئازاری ئەمساڵدا 46 بومەلەرزە بە گوڕی جیاواز وڵاتەکەیان هەژاندووە.
لە ئاماری مانگانەی دەستەی کەشناسی و بومەلەرزەزانیی عێراقدا هاتووە، مانگی رابردوو 47 بومەلەرزە تۆمارکراون کە 46 یان لە ناوخۆی عێراق بوون.
ئاماژەی بەوەشکرد، چالاکی بومەلەرزە لەو مانگەدا لە پارێزگای دیالە قەزاکانی خانەقین و کفری بوون، کە 21 بومەلەرزەیان تێداروویداوە، دواتریش پارێزگای سلێمانی دێت کە 17 بومەلەرزەی تێدا تۆمارکراوە، دوو
بومەلەرزە لە هەولێر و دووانیش لە دهۆک و لە پارێزگاکانی نەینەوا و کەرکوک و میسان و سەڵاحەدین یەکی یەک جار بومەلەرزە تێیاندا روویداوە.
لە کۆی ئەو بومەلەرزانەی لە مانگی رابردوودا لە عێراق روویانداوە، هیچ زانێکی گیانی و ماددی بەدواوە نەبووە.
