هەندێک جار ئارەزووی مرۆڤ بۆ خواردنی شیرینی و شەکر زیاددەکات و ناتوانێت خۆیانی لێدووربگرێت، توێژینەوەیەکی نوێ هۆکارەکانی ئەم حەزەکردنەی ئاشکراکردووە و ئەو جێگرەوانەشی پێشنیازکردووە کە دەکرێت بەسوودبن بۆ خۆلادان لە شەکر.
بەپێی سیدنی گرین پسپۆڕی بواری خۆراک و تەندروستی، هۆکاری حەزکردنی زۆر لە شەکر دەگەڕێتەوە بۆ کەمیی پرۆتین یان کەمکردنەوەی زۆری کاربۆهیدرات لە سیستمی خۆراکیدا. لەم دۆخەدا باشتروایە پشت بەو میوانە ببەسترێت کە درەنگ هەرسدەبن، لەگەڵ سەرچاوەکانی پرۆتین و چەوریی تەندروست.
بەپێی ڕێنمایی سیدنی گرین، باشترین میوە کە یارمەتیی وەلانانی حەزکردن لە شیرینی بدات “ئەڤۆکادۆیە”، چونکە ڕیشاڵ و چەوریی تەندروستی تیادایە.
توێژینەوەکان ئاماژەیان بەوە داوە کە ئەڤۆکادۆ “ڕێژەی ئەنسۆلین و بەرزبوونەوەی شەکری خوێن کۆنترۆڵدەکات”. هەروەها گرین دەڵێت کە زیادکردنی ئەڤۆکادۆ لە ژەمە خۆراکەکاندا “هەستی تێربوونت پێدەدات و حازت لەو خواردنانە نامینێت کە ڕێژەی شەکریان بەرزە”.
