ئەلفا هایدرۆکسی ئەسیدی پێست یەکێکە لەگرنگترین پێکهاتەکانی پاراستن و هێشتنەوەی پێستی ڕوخسار بە دروشاوەیی، سوودەکانی ئەو پێکهاتەیە زۆرن لەگرنگترینیان لابردنی خانە مردووەکانی پێستی ڕوخسارە.
پێکهاتەی ئەلفا هایدرۆکسی ئەسیدی پێست، چ وەک کرێم یان وەک قەترە، وا لە پێست دەکات زیاتر بدرەوشێتەوە و سەلامەتی و تەندروستیی پێست دەپارێزێت.
سودەکانی ئەلفا هایدرۆکسی ئەسید بۆ پاراستنی پێست چین؟
ئەو پێکهاتەیە زیاتر کاریگەرییەکانی لەسەر ڕووی دەرەوەی پێست دەردەکەوێت و کار لە ڕووکاری یەکەمی پێست دەکات، وادەکات پێستی ڕوخسار نەرم و درەوشاوەبێت لەگەڵ ڕەنگێکی ڕووناک لە ڕوخساردا، ئەوەش لەڕێگەی لابردنی ئەو بەش و خانە مردوو و زاینبەرکەوتووانەی سەر ڕووی پێست.
هەروەها ڕێژەی کۆلاجین لە پێستدا دەپارێزێت، کاریگەریی لەسەر کەمکردنەوە و درەنگخستنی دەرکەوتنی هێڵ و چرچی پێست دەبێت، هەروەها پێست چالاکدەکات.
باشترین کاتیش بۆئەوەی پێکهاتەی ئەلفا هایدروکسی ئەسید بەکاربهێنرێت شەوە کە هەم پشوو دەدات بە پێست و لەلایەکی دیکەشەوە چالاکی دەکات و کاریگەرییەکەی زیاتر دەردەکەوێت.
