فەرمانگەی پلاندانانی پارێزگای مووسەنا بڵاویكردووەتەوە زیاتر لە نیوەی دانیشتووانی پارێزگای مووسەنا لەژێر هێڵی هەژارییەوە ژیان دەگوزەرێنن.
محەمەد قابیل، بەرێوەبەری فەرمانگەی پلاندانانی پارێزگای مووسەنا ئەمڕۆ بڵاویكردەوە، 50%ی دانیشتووانی پارێزگای مووسەنا لەژێر هێڵی هەژارییەوە ژیان دەگوزەرێنن و ژمارەی دانیشتووانەكەی نزیكدەبێتەوە لە یەك ملیۆن كەس.
ئاماژەی بەوەكرد، كەمیی داهاتی تاك ڕێژەی هەژاریی لە پارێزگاكە زیادكردووە و وایكردووە نیوەی دانیشتووان لەژێر هێڵی هەژارییەوە ژیان بگوزەرێنن كە كاریگەریی لەسەر ئاستی خوێندنیان هەبووە و دابەزیووە.
پێشتر چەند جارێك خۆپیشاندانی ناڕەزایی دژی بێكاریی و بەرزبوونەوەی نرخی شمەك و كاڵا لەو پارێزگایە ئەنجامدراوە.
