وەزارەتی دارایی عێراق، رایگەیاند، دەستمانکرد بە خەرجکردنی مووچەی مانگی پێنجی مووچەخۆرانی هەرێمی کوردستان.
وەزارەتی دارایی عێراق بڵاویکردەوە، لەسەر بنەمای بڕیارنامەی (550)ـی ئەنجومەنی وەزیران، کە لە دانیشتنی خۆیدا لە رۆژی پێنجشەممە 17ـی تەمموزی 2025، ئەنجامیدا وەزارەتی دارایی دەستیکرد بە خەرجکردنی مووچەی فەرمانبەرانی هەرێمی کوردستان بۆ مانگی پێنج.
دەشڵێت، بڕی 120 ملیار دیناریان لە داهاتی نانەوتیی هەرێم وەرگرتووە و، لایەنە پەیوەندیدارەکانیش سەرجەم بڕگەکانی بڕیارەکەیان جێبەجێکردووە.
لە راگەیەندراوەکەی وەزارەتی دارایی عێراقدا ئەوەش دووپاتکراوەتەوە، له جێبەجێکردنی ئەرکە یاساییەکانی بەرامبەر بە هەرێم، بەپێی بڕیاری دادگای فیدراڵی بەردەوامدەبێت، ئەگەر حکومەتی هەرێمیش پابەندببێت.
