ئەستێرەی بەلجیکیی یانەی ڕیاڵ مەدرید، ئیدین هازارد خەونی گەڕانەوەیە بۆ یانەی چێڵسی و لەهەمان کاتدا یانەی ڕیاڵ مەدرید ڕێگری لە گواستنەوەی ناکات.
ڕۆژنامەی مارکای ئیسپانی ئاشکرایکردووە، بەڕێوەبەرانی یانەی شاهانە نیگەرانن لەو بارودۆخەی بەسەر ئیدین هازارد هاتووە، یاریزانەکە بە 119 ملیۆن یورۆ لە چێڵسی-یەوە پەیوەندی پێوەکردوون، بەڵام هێندەی ئەو بڕەی پێیدراوە سوودی نەگەیاندووە.
بەپێی سەرچاوەکە، هازارد دەیەوێت لە مەدریدەوە بگەڕێتەوە بۆ لەندەن و درێسی چێڵسی بپۆشێت، بۆ ئەم مەبەستەش کۆبوونەوە لەنێوان نوێنەری ڕیاڵ و چێڵسی-دا کراوە.
چێڵسی پێشنیازیکردووە گواستنەوەکە بەشێوازی خواستن ئەنجامبدرێت، ئەو پێشنیازەش لەلایەن مەدریدییەکانەوە لێکدانەوەی بۆدەکرێت و بەئەگەرێکی زۆرەوە هەردوو جەمسەرەکە ڕەزامەندی لەسەردەدەن.
یاریزانە 31 ساڵەکە لەکۆی 65 یاریی بۆ یانەی شاهانە، تەنها شەش گۆڵ و 10 ئەسیستی تۆمارکردووە.
