سێ یاریزانی یۆڤانتۆس لە بەرامبەر ڤیاریاڵ توشی پێكان هاتن و هێشتا كاتی دووركەوتنەوەیان دیار نییە.
یانەی یۆڤانتۆس لەدەرەوەی یاریگای خۆی بە گۆڵێك لەگەڵ یانەی ڤیاریاڵ یەكسان بوو.
یارییەكە لەمیانی ڕووبەڕووبونەوەكانی قۆناغی شانزەی چامپیۆنز لیگ بوو.
هەریەك لە یاریزانان ئالێكس ساندرۆ و ویستۆن ماكینی و دی چیلۆ بەهۆی پێكانەوە نەیانتوانی یارییەكە تەواو بكەن و زووتر دانیشێنران.
پێشتریش هەریەك لە یاریزانان جۆرجیۆ كیلینی و دیبالا بەهۆی پێكانەوە لە یارییەكە دوركەوتبونەوە.
تا ئێستا تیمی پزیشكی پشكنینی بۆ پێكانی یاریزانەكان نەكردووە و وادەی دووركەوتنەوەیان نادیارە.
یۆڤانتۆس چوارەمی ڕیزبەندی خولی ئیتاڵیای گرتووە و 9 خاڵ لە یانەی میلانی پێشەنگەوە دوورە.
