ئەنجومەنی وەزیرانی هەرێمی کوردستان ئەمڕۆ چوارشەممە کۆدەبێتەوە، بڕیارە یەکێک لە تەوەرەکانی کۆبوونەوەکە تاوتوێکردنی بڕیاری دادگای باڵای فیدراڵی بێت تایبەت بە کەرتی نەوت و غازی هەرێمی کوردستان.
فەرمانگەی میدیا و زانیاریی هەرێمی کوردستان بڵاویکردەوە، کۆبوونەوەکەی ئەمڕۆی ئەنجومەنی وەزیران جگە لە بڕیارەکەی دادگای فیدراڵیی عێراق، ڕەشنووسی ڕۆژژمێری کشتوکاڵی لە هەرێمی کوردستان دەخاتەڕوو.
تەوەرەکانی کۆبوونەوەی ئەنجومەنی وەزیران:
– خستنەڕووی پوختەی ئەنجامی سەردانی شاندی حکومەتی هەرێمی کوردستان بۆ وڵاتی قەتەر، و بەشداریکردنی لە کۆنفرانسی ئاسایشی میونشن لە ئەڵمانیا.
– خستنەڕووی دوایین بڕیاری دادگای باڵای فیدراڵی لە ڕۆژی 15/2/2022 تایبەت بە کەرتی نەوت و غاز لە هەرێمی کوردستان.
– خستنەڕووی ڕەشنووسی ڕۆژژمێری کشتوکاڵی لە هەرێمی کوردستان – عێراق.
