شەپۆلێكی باران ناوچە جیاوازەكانی هەرێمی كوردستانی گرتووەتەوە، كەشناسیی هەرێم دەڵێت، ئێوارەی ئەمڕۆ كاریگەری ئەو شەپۆلە كۆتاییدێت.
لە شەوی ڕابردووەوە شەپۆلێكی باران تەواوی ناوچەكانی هەرێمی كوردستانی گرتووەتەوە، بەیانی ئەمڕۆش شەپۆلەكە چالاكتر بووە.
بەڕێوەبەرایەتی گشتیی كەشناسیی و بومەلەرزەزانی هەرێم بڵاویكردەوە، باران بە ئاستى جیاواز دەبارێت، سنوورى پارێزگاى سلێمانى و ئیدارەى گەرمیان باران بارینى مامناوەند و بە لێزمەى دەبێت هەندێ کات هەورە تریشقەى دەبێت.
دەشڵێت، بەشێک لە سنوورى پارێزگاى هەولێر بە تایبەتى ناوچە شاخاوییەکان لێزمە بارانى دەبێت، سنوورى پارێزگاى دهۆک باران بارینى کەمتر دەبێت لە چاو ناوچەکانى تر.
بەپێی پێشبینییەكانی كەشناسیی هەرێم، بەفر بارینیش لەسەر بەشێک لە لووتکەى شاخە بەرزەکان دەبارێت و ئێوارەى ئەمڕۆ کاریگەرى ئەو شەپۆلە کۆتاییدێت.
پێشبینییەكانی كەشوهەوای ئەمڕۆ و سبەی:
