(ڤیدیۆ) تۆتنهام له‌ یارییه‌کی ئاگریندا‌ مانچسته‌ر سیتی کوتا به‌زه‌ویدا

یانه‌ی مانچسته‌ر سیتی له‌چێوه‌ی یارییه‌کانی هه‌فته‌ی 26ی خولی نایابی ئینگلته‌را ڕووبه‌ڕووی تۆتنهام بووه‌وه‌، یارییه‌‌که‌ به‌ بردنه‌وه‌ی که‌ڵه‌شێره‌ ڕوومییه‌کانی له‌نده‌ن کۆتاییهات.

ئەمڕۆ شەممە، لە چێوەی یارییەکانی هەفتەی 26ی خولی نایابی ئینگلتەرا، یانەی مانچسته‌ر سیتی له‌یاریگای ئیتیحاد میوانداریی یانه‌ی تۆتنهامی کرد، یارییەکە بە ئەنجامی سێ گۆڵ به‌رامبه‌ر به‌ دوو گۆڵ له‌به‌رژه‌وه‌ندیی تۆتنهام کۆتاییهات.

گۆڵه‌کانی سیتیزن له‌ خوله‌که‌کانی 33، 92 له‌لایه‌ن ئیلکای گۆندوگان و ڕیاز مه‌حریز (لێدانی سزا) تۆمارکران، گۆڵه‌کانی یانه‌ی تۆتنهام له‌ خوله‌که‌کانی چوار، 59، 95 له‌لایه‌ن دیان کولوسێڤیسکی و هاری که‌ینه‌وه‌ (دوو گۆڵ) تۆمارکران.

بەپێی ئەنجامە تۆمارکراوەکە، مانچسته‌ر سیتی سێ خاڵی گرنگی له‌ده‌ستدا، به‌ڵام بە 63 خاڵه‌‌وه‌ له‌ پله‌ی یه‌که‌می ڕیزبه‌ندیی یانه‌کانی خولی نایابی ئینگلته‌را به‌رده‌وامبوو، له‌به‌رامبه‌ردا یانه‌ی تۆتنهام به‌کۆکردنه‌وه‌ی 39 خاڵ له‌پله‌ی هه‌شته‌مه‌وه‌ بۆ حه‌وته‌م سه‌رکه‌وت.