وته‌بێژی فه‌رمانده‌ی گشتى هێزه‌چه‌كداره‌كانى عێراق ڕایگه‌یاند، ئه‌مڕۆ سه‌ركرده‌یه‌كی باڵای داعشیان له هه‌ولێر ده‌ستگیركردووه كه ڕێكخه‌ری نێوان ویلایه‌ته‌كانی باشوری عێراق و هه‌رێمی كوردستانی ڕێكخراوه‌كه بوو.
لیوا یه‌حیا ره‌سوڵ، له ڕاگه‌یه‌ندراوێكدا ئاماژه‌ى به‌وه‌كردووه، دواى به‌دواداچوونى ورد و زانیاریی هه‌واڵگری توانیویانه سه‌ركرده‌یه‌كى چه‌كدارانی داعش به‌ناوی “محه‌مه‌د وه‌هبی فارس شجیری” كه ناسراوه به “ئه‌بو ئه‌حمه‌د” ده‌ستگیر بكه‌ن كه ڕێكخه‌ری گشتی نێوان باشوری عێراق و هه‌رێمى كوردستان بووه له ڕێكخراوه‌كه‌دا.
