لە شاری بەغداد ژنێک دوای لێپرسینەوەی لەلایەن ئەفسەرێکی هاتوچۆوە، هێرشدەکاتە سەری، سەرچاوەیەکی ئەمنیش رایگەیاند، دوای رووداوەکە ژنەکە دەستگیرکراوە.
بەیانی ئەمڕۆ لە تۆڕە کۆمەڵایەتییەکان گرتە ڤیدیۆیەک بڵاوکرایەوە کە تێیدا دەردەکەوێت ژنێک دوای لێپرسینەوەی لە سەرپێچییەکی هاتوچۆ هێرشدەکاتە سەر ئەفسەرێکی هاتوچۆ.
لە گرتەکەدا دەردەکەوێت، ژنەکە کەسێکی نزیکی لەگەڵدایە، بە بلۆک هێرشدەکاتە سەر ئەفسەرەکە و ئەو کەسانەشی وێنەی دەگرن.
لەدوای بڵاوبوونەوەی گرتەکە سەرچاوەیەکی ئەمنی بە میدیا عێراقییەکانی راگەیاندووە، “بە تۆمەتی هێرشکردنە سەر ئەفسەرەکە لە کاتی دەوامی فەرمیدا ژنەکە دەستگیرکراوە و لێکۆڵینەوە لەگەڵیدا بەردەوامە”.
