دوو کاندیدی هەڵبژاردنی سەرۆکایەتیی فەرەنسا، پشتیوانیی هەڵمەتی ئازادكردنی ئۆجالان دەکەن و دەڵێن، دەبێت ئازادبکرێت.
فابین ڕۆسل و ژۆن لوک مێلنچۆن دوو کاندیدی هەڵبژاردنی سەرۆکایەتیی فەرەنسا، مانەوەی عەبدوڵڵا ئۆجالان ڕێبەری پەكەكە لە زینداندا بە نادادپەروەرانە ناودەبەن و داوای ئازادكردنی دەكەن و بە زەمینەیەك بۆ ئاشتی ناوزەدی دەكەن.
فابین ڕۆسل کاندیدی هەڵبژاردنی سەرۆکایەتیی فەرەنسا، لە ساڵڕۆژی پیلانگێڕیی نێودەوڵەتی ولەدژی ئۆجالان و دەستگیركردنیدا پەیامێکی لە تویتەر بە ناونیشانی ئازادی بۆ ئۆجالان بڵاوكردەوە.
ڕۆسل دەڵێت، ئۆجالان ماوەی 24 ساڵە لە دژی پەیمانە نێودەوڵەتییەکان دەستگیرکراوە. ئازادکردنی زەمینە خۆشدەکات بۆ ئاشتی بۆ ئەو پڕۆژە پێشکەوتنخواز و فێمینیستی و ژینگەییەی کە کورد هەڵیدەگرێت”.
هاوشێوەی ڕۆسل، ژۆن لوک مێلنچۆن كە کاندیدێکی دیكەی هەڵبژاردنی سەرۆکایەتیی فەرەنسایە و بەپێی ڕاپرسییەکان چانسی دەرچوونی لە هەموو کاندیدەکانی دیکە زیاترە، لە تویتەری فەرمیی خۆی نووسیویەتی، “ماوەی 23 ساڵە ئۆجالان لە زیندانی تورکیادایە، کە نزیک دەبێتەوە لە ماوەی زیندانیکردنی ماندێلا، ئەمە نادادپەروەرییە، لەپێناو ئاشتیدا پێویستە ئازادبکرێت”.
ئەم دوو پەیامە هاوكاتن لەگەڵ ساڵیادی پیلانگێڕییە نێودەوڵەتییەكەی 15ی شوباتی 1999 لەدژی عەبدوڵڵا ئۆجالان.
Le leader kurde, A.Ocalan est emprisonné depuis 24 ans au mépris des conventions internationales.
Sa libération permettra d’ouvrir un chemin vers la paix afin de promouvoir le projet progressiste, féministe et écologique dont les Kurdes sont porteurs.#freeocalan
— Fabien Roussel (@Fabien_Roussel) February 15, 2022
Ocalan est en prison depuis 23 ans en Turquie. Presqu’autant que Mandela. C’est injuste. Pour la paix, il faut libérer #Ocalan.
— Jean-Luc Mélenchon (@JLMelenchon) February 15, 2022
