ڕوسیا كۆتایی به مانۆڕه سه‌ربازییه‌كانى له دوورگه‌ى كریمیا هێنا و سه‌ربازەكانی ده‌كشێنێته‌وه.
ئاژانسی هەواڵی فرانس پرێس بڵاویكردووەتەوە، وەزارەتی بەرگریی ڕوسیا لە ڕاگەیەندراوێكدا ئاشكرایكردووە، ڕاهێنانە سەربازییەكان لە نیوەدوورگەی كریمیا كۆتاییهاتووە و سەربازەكان دەگەرێنەوە شوێنەكانی پێشووی خۆیان.
وەزارەتەكە ڕاهێنانەكانی بە تەكتیكی وەسفكردووە، تەلەڤیزیۆنی فەرمیی ڕوسیا وێنەی یەكە سەربازییەكانی وڵاتەكەی بڵاوكردووەتەوە كە پردی نێوان نیوەدوورگەی كریمیا و وشكانییەكانی خاكی ڕوسیا تێدەپەڕێنن.
دوێنێش ڕوسیا كشانەوەی بەشێك لە هێزەكانی لەسەر سنوورەكانی ئۆكرانیا ڕاگەیاند، هەموو ئەوانە وایكرد دۆخەكە كەمێك هێوربێتەوە و ئەگەرەكانی جەنگ كەمترببنەوە.
