نرخی نەوتی خاو لە بازاڕەكانی جیهان جارێكی دیكە دابەزی و بەیانی ئەمڕۆ هەر بەرمیلێك زیاتر لە یەك دۆلار و نیو دابەزی.
بەیانی ئەمڕۆ دووشەممە لەگەڵ كردنەوەی بازاڕەكان و دەستپێكی مامەڵەكانی ئەم هەفتەیە، نرخی نەوت دابەزی و یەك بەرمیل نەوتی برێنت بە نزیكەی 68.90 مامەڵەی پێوەكرا، هەر بەرمیلێك زیاتر لە 1.80 دۆلار لە نرخەكەی دابەزیوە.
هەروەها یەك بەرمیل نەوتی تەكساسی ئەمریكاش بە نزیكەی 66.50 دۆلار مامەڵەی پێوەكرا و لە هەر بەرمیلێكدا 1.80 دۆلار نرخەكەی دابەزی.
ئاژانسی ڕۆیتەرز هۆكاری دابەزینی نرخی نەوتی بۆ بەرزبوونەوەی حاڵەتەكانی كۆرۆنا لە چین گەڕاندووەتەوە، كە بووەتە هۆكاری ڕاگەیاندنی قەدەغەی هاتوچۆ، ئەمە جگە لە بەرزبوونەوەی نرخی دۆلار.
