گروپێک لە زانایانی دامەزراوەی لێکۆڵینەوەی زانستی مێژووی ئەمریکی توانیان جێ پێیەکی 120هەزار ساڵی بدۆزنەوە کە دەکرێت کۆنترین نیشانەی مرۆڤ بێت لەو ناوچەیە.
بە بۆچونی دامەزراوەکە 120هەزار ساڵ پێش ئێستا گروپێک لە هۆمۆسەیپیێنس -کان گەشتێکی کورتیان کردووە بۆ سعودییەی ئێستا و ئاژەڵی گامێش و حوشتر و فیلی گەورەتر لەم جیلەی ئێستایان پێبووە.
دۆزینەوەی جێ پێیەکە لە نزیک دەریاچەیەکی کۆن بووە کە بە بڕوای دامەزراوە مێژویەکە ئەوان بۆ ماوەیەکی کەم لەوێ وەستاون و پاشان تێپەڕیوون.
دۆزینەوەی جێ پێیەکە دەتوانێت هاوکارێکی باشبێت لەو لێکۆڵینەوە دورودرێژەی کە لەسەر گەشتی یەکەمی هۆمۆسەیپیێنسەکان لە کیشوەری ئەفریقاوە بۆ ناوچەکانی دیکەی زەوی دەکرێت.
پێشتر زانستی گەڕان بەدوای ڕەچەڵەک و گەشتی مرۆڤدا هاوڕابوو کە مرۆڤ لە ئەفریقاوە بەرەو شام هاتووە، بەڵام لەدوای دۆزینەوەی ئەم جێگە پێیە ئەو بۆچونە گۆڕاوە و بەگشتی دەتوانرێت بوترێت کە مرۆڤ لەوکاتەدا بەدوای دەریاچەکان و ئاوی شریندا گەڕاوە.
