سەرۆكی دەستەی شۆفێرانی تەكسی لە شاری ئیزمیری باكوری كوردستان خەڵاتی شۆفێری تەكسییەك دەكات بەهۆی ئەمانەت پارێزی و دەستپاكییەكەی پاش ئەوەی جانتایەكی بەنرخ بۆ خاوەنەكەی دەگەڕێتەوە كە لە ئۆتۆمبێلەكەیدا لەبیری كردبوو.
ڕووداوەكە ئێوارەی پێنجەشممە 27ی ئاب بووە كاتێك مراد یافوز،ی شۆفێر نەفەرێكی گواستووەتەوە و پاش دابەزینی، یافوز، كە باوكی دوو منداڵە، تێبینی ئەوەی كردووە كە جانتایەك لە ئۆتۆمبێلەكەیدا جێهێڵدراوە و پاش كردنەوەیشی سەرسام بووە كە ئەو هەمووە لە ئاڵتونی تیابووە، بەڵام دودڵ نەبووە لەوەی پەیوەندی بە دەستەی شۆفێرانی تەكسی ناوخۆیی بكات و ڕووداوەكەی تێگەیاندوون.
یافوز دەڵێت، جانتاكە نیمچە داخراو و زۆر قورس بوو، باوەڕم نەكرد ئاڵتونی تیابێت بەڵكو وام پێشبینی دەكرد دراوی ئاسن بێت، بەڵام بە فزولی كردمەوە و بینیم پڕە لە ئاڵتون.
پاش دۆزینەوەی خاوەنەكەی و گەڕاندنەوەی بۆی، خاوەنەكەی بە 400 لیرەی توركی و نیو لیرەی ئاڵتون پاداشتی كرد.
