پاش ئەوەی ژمارەیەك كۆچبەری كورد بەنیازبوون لە توركیاوە بە ڕێگای ئاویی بگەنە كەناراوەكانی ئیتاڵیا، لەلایەن هێزی دەریاوانی میسرەوە دەستگیركران، دەزگای لوتكەش ئاشكرایكرد، لە ئایندەیەكی نزیكدا دەیانگەڕێنێتەوە بۆ هەرێمی كوردستان.
ئاری جەلال ئەوەشی خستەڕوو، “دەزگای لوتکە دەستبەجێ دەستی کرد بە بەدواداچوون بۆ کەیسەکە و لە ئەنجامدا توانرا بڕیاری ئازادکردن بۆ سەرجەم پەنابەرە کوردەکان وەربگیرێت، لە ئایندەیەکی زۆر نزیکدا لەلایەن دەزگاکەمانەوە دەگەڕێندرێنەوە خاکی هەرێمی کوردستان”.
سەرۆكی دەزگاكە ئەوەشی ڕایگەیاند، دەزگای لوتکە بەمزووانە کەسوکاری ئەو کۆچبەرانە لە بەروار و کاتی گەڕانەوەیان ئاگاداردەکاتەوە.
لە 25ی تشرینی یەكەم دەزگاكە لە نوسراوێكدا داوای لە وەزارەتی كۆچ و كۆچبەرانی عێراق كرد هەوڵەكانی بخاتەگەڕ بۆ گەڕانەوەی ئەو پەنابەرانە كە ژمارەیان 22 كەسن و لە هەردوو رەگەزن.
