لە ئەنجامی وەرگەڕانی پاسێک لە ئورفا، 29 کەس برینداربوون و كەسێكیش گیانی لەدەستدا، پاسەكە هەڵگری تابلۆی سلێمانییە.
ئاژانسی ئانادۆڵوی توركی ئەمڕۆ چوارشەممە 11ی تشرینی دووەم بڵاویكردووەتەوە، بەپێی زانیارییەكان پاسێک کە هەڵگری تابلۆی عێراق-سلێمانی بووە لە ناوچەی تەرزی کاتێک بەرەو ئورفا چووە وەرگەڕاوە.
لە ڕوداوەکەدا، كەسێك گیانی لەدەستداوە و 29 هاوڵاتی دیكەی عێراقی برینداربوون کە لەلایەن تیمەکانی فریاگوزاریی بەپەلەوە گواستراونەتەوە نەخۆشخانە.
باس لەوەشكراوە، باری تەندروستیی دوو لە بریندارەكان خراپە.
ئەوەش ئاشكراكراوە، سەرنشینانی پاسەکە لە شاری سلێمانی-یەوە بە مەبەستی گەشتکردن لە ڕێگادابوون بەرەو شاری سامسون لەسەر دەریای ڕەش.
