قائیمقامی سلێمانی ڕایگەیاند، داوا لە هاوڵاتییان دەکات لەم سەرما و شەختەیەدا ئاژەڵ و باڵندەکانیان بیربێت و خواردن و دانەوێڵەیان بۆ دابنێن.
ئاوات محەمەد قائیمقامی سلێمانی، لە چەند شوێنێکی شارەکە دان و خۆراکی بۆ باڵندە و ئاژەڵە بێلانەکان دابینکرد و ڕایگەیاند، “داوا لە ھاوڵاتییان و ژینگەپارێزان و ئاژەڵدۆستان دەکەم لەم سەرمایەدا باڵندە و ئاژەڵەکانتان بیربێت و چەند بۆتاندەکرێت لەسەر شەقام و ڕێگەوبانەکان خواردن و دانیان بۆ دابنێن “.
وتیشی، “بە ھۆکاری بارینی بەفرێکی زۆر و داپۆشینی ھەموو شوێنێک بە بەفر و بەستەڵەک، بە ئەستەم باڵندە و ئاژەڵەکان خواردنیان دەستدەکەوێت، لەبەر ئەم ھۆکارە و وەک ئەرکێکی مرۆڤدۆستانە ھەرکەسە و لە ماڵ و شوێنی کارەکەی دان و خۆراک بۆ باڵندە و ئاژەڵە بێلانەکان دەبنێت بۆ ئەوەی بە ھەوڵی ھەمووان ژینگە و ژیانی گیانداران لە فەوتان ڕزگاربکەین “.
