جێگری نەقیبی رۆژنامەنووسان بڕیاری لادانی سكرتێری لقی سلێمانی سەندیكاكەیان رەتدەكاتەوە.
بژار حەکیم، جێگری نەقیبی رۆژنامەنووسانی کوردستان لە روونكردنەوەیەكدا رایگەیاند، پێش دەستبەکاربوونی لەو پۆستەدا، ئەنجومەنی سەندیکای رۆژنامەنووسانی کوردستان لە مانگی تەمموزی ساڵی 2021 بڕیاری لادانی کاروان ئەنوەر، سکرتێری لقی سلێمانی سەندیکای دەرکردبوو.
دەشڵێت، “دوای دەستبەکاربوونمان وەک جێگری نەقیب لە مانگی 12ی ساڵی 2021، تا ئێستاش ئێمە راشکاوانە بە نەقیب و ئەنجومەنی سەندیکامان راگەیاندووە کە بەهیچ شێوەیەک وەک لیستی سەوز لە سەندیکا، ناچینە ژێر بڕیاری لادانی سکرتێری لقی سلێمانی”.
بژار حەكیم دووپاتیشیدەكاتەوە، وەك جێگری نەقیبی رۆژنامەنووسان و لیستی سەوزی سەندیکا، بەهیچ شێوەیەک لەگەڵ بڕیاری لادانی سکرتێری لقی سلێمانی نین.
