کەشناسیی هەرێم پێشبینییەکانی بۆ 48 کاتژمێری داهاتوو بڵاوکردەوە و رایگەیاند پلەکانی گەرما بە جێگیری دەمێننەوە.
بەڕێوەبەرایەتیی کەسناسیی و بومەلەرزەزانیی هەرێم بڵاویکردەوە، “ئەمڕۆ سێشەممە ئاسمان ساماڵ دەبێت، پلەکانی گەرما نزیک دەبێتەوە لە تۆمارکراوی رۆژی پێشوو”.
ئاماژەی بەوەش کرد، “سبەی چوارشەممەش بەهەمان شێوە ئاسمان ساماڵ دەبێت پلەکانی گەرما نزیک دەبێتەوە لە تۆمارکراوی رۆژی پێشوو”.
سەبارەت بە بەرزترین پلەکانی گەرما کەشناسیی هەرێم ئاشکرایکرد، “هەولێر:16، سلێمانی:14، دهۆک: 16، کەرکوک: 17، هەڵەبجە: 14، زاخۆ: 16، سۆران: 14، گەرمیان: 19”.
