تەندروستیی جیهانی: زیاتر لە 50%ی هاوڵاتییانی ئەوروپا تووشی گۆڕاوی ئۆمیکرۆن دەبن

ڕێکخراوی تەندروستیی جیهانیی پێشبینی دەکات زیاتر لە 50%ی دانیشتووانی ئەوروپا تووشی گۆڕاوی ئۆمیکرۆن ببن.

هانس کلۆگە بەڕێوەبەری ناوچەی ئەوروپای ڕێکخراوی تەندروستیی جیهانی بەئاژانسی فرانس پرێسی ڕاگەیاندووە، ئەو ڕێژەیەی لەماوەی دوو مانگدا لە تووشبوون بە کۆرۆنا تۆمارکراوە ڕێژەیەکی بەرزە و بڵاوبوونەوەی زنجیرەکە بەو ئاستە تائێستاش بەردەوامە.

بەپێی بەرپرسەکەی ڕێکخراوی تەندروستیی جیهانی، بەردەوامیی بڵاوبوونەوەی ڤایرۆسەکە بەم ئاستەی ئێستا لە شەش بۆ هەشت هەفتەی  داهاتوودا زیاتر 50%ی هاوڵاتییانی ئەوروپا تووشی گۆڕاوی ئۆمیکرۆن دەبن.

هۆشداری لەوەدەدرێت کە سیستمی تەندروستیی ئەوروپا بەهۆی ئەو شەپۆلە قورسەوە ڕووبەڕووی فشارێکی بێپێشینە ببێتەوە.

لەگەڵ بڵاوبوونەوەی خێرای زنجیرە نوێیەکە سارەزایانی پزیشکی پێیانوایە قاڕە پیرەکە دەگاتە لوتکەی تووشبوون بەهۆی ئەوەی ژمارەی تووشبوون بەشیوەیەکی زۆر خێرا بەرزدەبێتەوە.

لەکاتێکدا لە دوو ڕۆژی رابردوودا وڵاتی فەرەنسا زیاتر لە 300 هەزار تووشبووی بە ئۆمیکرۆن تۆمارکردووە، ئەوەش ژمارەیەکی پێوانەییە لەسەرەتای سەرهەڵدانی پەتاکەوە.

بابەتی پێشتر

پۆلیسێکی کورد لە کرماشان لەسێدارەدرا

بابەتی دواتر

ڕوسیا و ئەمریكا هەوڵی ڕێككەوتن دەدەن

بابەتی پەیوەندیدار
زیاتر ببینە

فه‌ره‌نسا له‌باره‌ى بڵاوبوونه‌وه‌ى گۆڕاوى ئۆمیكرۆن داواى كۆبوونه‌وه‌یه‌كى به‌په‌له‌ى G7 ده‌كات

به‌هۆی زیاتر بڵاوبوونه‌وه‌ى گۆڕاوى ئۆمیكرۆن فه‌ره‌نسا داواى كۆبوونه‌وه‌یه‌كى به‌په‌له‌ى وه‌زیرانى ته‌ندروستیی G7 ده‌كات. ئاژانسی ڕۆیته‌رز بڵاویكرده‌وه‌، فه‌ره‌نسا به‌فه‌رمى…
Total
1
Share