هیچ كات پرسیارت كردووە ئایا ئەو میوەیەی “بە تەندروسترین” دادەنرێت كامەیە؟ رەنگە مێشكت یەكسەر بۆ پرتەقاڵ بچێت بەهۆی بوونی ڤیتامین سی و ریشاڵ، یان بۆ هەنار بەهۆی سوودە دژە ئۆكسێنەر و دژە هەوكردنەكانیەوە.
نەخێر، بەڵكو میوەیەكی بێ ناوبانگ نازناوی “بەسوودترین خۆراك لە جیهاندا”ی لە لیستی “بی بی سی” پێدراوە، كە پلەیەكی خۆراكیی بەرزی وەرگرتووە و گەیشتووەتە 96 لە 100.
چیریمۆیا (Cherimoya)
– خاوەن بەرزترین ریزبەندییە و هیچ خۆراكێك لە پێشییەوە نییە جگە لە بادەم، كە 97 خاڵی هەیە.
– بەناوبانگە بەوەی دەوڵەمەندە بە شەكر و ڤیتامینەكانی “ئەی، سی، بی 1، بی 2” و پۆتاسیۆم.
– زۆرجار بە “سێوی كاستەر” ناودەبرێت، بەهۆی ناواخنە كرێمییەكەیەوە.
– لە دەرەوە وەك میوەیەكی سەوزی شێوە بەرز و نزم دەردەكەوێت و توێكڵێكی رەقی هەیە، بەڵام لە ناوەوەیدا خواردنێكی كرێمیی شیرین بوونی هەیە.
– دژە ئۆكسانە و دەوڵەمەندە بە ریشاڵ، ڤیتامینەكان و كانزاكان، ئەمە واتە سوودبەخشە بۆ سیستمی بەرگریی لەش و یارمەتیدەر دەبێت لە كەمكردنەوەی هەوكردن و تەندروستیی چاو و دڵ باشدەكات.
– زۆر سوودبەخشە بۆ هەرس و پارێزگاری لە تەندروستیی ریخۆڵە.
– پێكهاتەی فیلافۆنوید-ی تیایە كە تایبەتمەندیی دژە شێرپەنجە لەخۆدەگرێت.
