وەزارەتی تەندروستی هەرێم ڕایدەگەیەنێت، لەماوەی 24 كاتژمێری ڕابردوودا 765 توشبووی نوێی كۆرۆنا تۆماركراون.
وەزارەتی تەندروستی ئەمڕۆ سێشەممە 10ی تشرینی دووەم ڕایگەیاند، لەماوەی 24 كاتژمێری ڕابردوودا پێنج هەزار و 393 پشكنین ئەنجامدراوە و لەو ژمارەیە 765 توشبووی نوێ تۆماركراوە.
توشبووەكان بەپێی شارەكان بەمجۆرەیە (هەولێر 346، دهۆك 207، سلێمانی 124، گەرمیان 45، هەڵەبجە 34 و ڕاپەڕین 9).
بەپێی ڕاگەیەنراوەكە 593 توشبووی نەخۆشییەكە چاكبوونەتەوە و 27 توشبووش گیانیان لەدەستداوە كە زۆرترینیان لە سلێمانی بووە بە 11 حاڵەت.
كۆی گشتی توشبووانی كۆرۆنا لە هەرێم گەیشتە 85 هەزار و 828 توشبوو لەو ژمارەیە 27 هەزار و 755 كەسیان لەژێر چارەسەردان و دوو هەزار و 709 كەسیشیان گیانیان لەدەستداوە.
