تەندروستیی سلێمانی چەند ڕێنماییەکی تایبەتی بۆ دەستپێکردنەوەی خوێندن ڕاگەیاند

بەڕێوەبەرایەتیی گشتیی تەندروستیی سلێمانی ژمارەیەک ڕێنمایی نوێی تایبەت بە دەستپێکردنەوەی ساڵی نوێی خوێندن ڕاگەیاند و داوا لە مامۆستایان دەکات خۆڤاکسینکردن بەهەندوەربگرن.

لە ڕاگەیەندراوێکدا بەڕێوەبەرایەتیی گشتیی تەندروستیی سلێمانی دوانزە ڕێنمایی بۆ دەستپێکردنەوەی ساڵی نوێی خوێندن بڵاوکردەوە کە بریتیین لە:

  1.  بەهەند وەرگرتنی ڤاکسین و بەکارهێنانی لەلایەن سەرجەم مامۆستایان و ستافی خوێندنگاکانەوە
  2.  بەکارهێنانی دەستکێش و بەستنی دەمامک لەلایەن خوێندکارانەوە
  3.  دوورکەوتنەوەی خوێندکاران لە قەرەباڵغی و ڕەوچاوکردنی ماوەی دوری خوێندکاران لە پۆلەکاندا
  4.  گرنگیدان بە دەستشتن و بەکارهێنانی پاککەرەوە ( التعقیم)
  5.  ڕەچاوکردنی دووری نێوان خوێندکاران لایەنی کەم یەک مەتر بێت
  6.  ئەنجامدانی پشکنین بۆ خوێندکاران و پێدانی ڕێنمایی بە دایک و باوکان و بە نەناردنەوەی خوێندکار لەکاتی بونی هەر نیشانەیەکی ئەنفلۆنزا
  7.  جەخت کردنەوە لەسەر بوونی هەوا گۆڕکێ لە پۆلەکاندا
  8.  لەلایەن مامۆستایانەوە چاودێری تەواو بەردەوامی خوێندکاران بکرێت لە زوو دەستنیشانکردن و جیاکردنەوەی ئەو خوێنکارانەی گومانیان لێ دەکرێت، بنێردرێن بۆ پشکنین
  9.  پاکڕاگرتنی خوێندنگاکان بە گشتی و بەتایبەت پول و هۆڵەکان
  10.  پێویستە هەر مامۆستایەک یان ستافی خوێندنگا نیشانەکانی کۆرۆنایان هەبوو بە زووترین کات پشکنین ئەنجام بدەن و تێکەڵاوی کەس نەبن و خۆیان کەرەنتین بکەن لەماڵەوە
  11.  لە کاتی بوونی هەر حاڵەتێک مامۆستایان و بەڕێوبەرانی خوێندنگاکان دەتوانن دایک و باوک یان ئەو ناوەندە تەندروستیانە یان تەندروستی خوێندنگاکان ئاگادارکەنەوە کە پشکنینی کۆرۆنایان تێدا ئەنجام دەدرێت
  12. چاودێری وردی خواردنی خوێندنگاکان بکرێت و ڕێنماییەکانی تەندروستی تێدا پەیڕەوبکرێت بە بەکارهێنانی دەستکێش و بەستنی دەمامک لەلایەن ئەو کەسەی بەشی خوردنگاکە بەڕێوە دەبات.
بابەتی پێشتر

پەنابەرێكی دیكە لە كەمپی هول كوژرا

بابەتی دواتر

کۆمسیۆن دڵنیایە ڕێکارەکانی ڕێگری لە ساختەکاری دەکات

بابەتی پەیوەندیدار
Total
15
Share