ئاسایشی نیشتمانیی عێراق دەڵێت، هێزەكانیان حەوت تیرۆریستیان لە كەركوك دەستگیركردووە.
ئەمڕۆ هەینی دەزگای ئاسایشی نیشتمانیی عێراق ڕاگەیەندراوێكی بڵاوكردەوە و دەڵێت، لە چەند ناوچەیەكی كەركوك حەوت تیرۆریستی سەر بە ڕێكخراوی داعش دەستگیركراون.
هەڵمەتەكانی دەستگیركردن دوای گەیشتنی زانیاری بووە لەبارەی ئەو كەسانەوە وەك ڕاگەیەندراوەكە ئاشكرایكردووە و ڕاشیگەیاندووە، “هەر حەوت دەستگیركراوەكە دانیان بەوەدا ناوە كە پێشتر لە هەردوو ولایەتی كەركوك و ئەنباری سەر بە داعش كاریانكردووە”.
دەزگای ئاسایشی نیشتمانیی عێراق لەبارەی چارەنووسی دەستگیركراوەكانەوە ڕایگەیاندووە، ڕادەستی دەسەڵاتی دادوەری كراون و بەپێی ماددەی چوار لە یاسای تیرۆر مامەڵەیان لەگەڵدا دەكرێت.
