بەڕێوەبەرایەتیی هاتوچۆی سلێمانی شۆفێرانی ئاگادارکردەوە کە دەستیانکردووە بە پێدانی ڕاستەوخۆی مۆڵەتی نێودەوڵەتیی شۆفێری.
لەئاگادارییەکەی هاتوچۆی سلێمانیدا هاتووە، “لەئەمرۆوە بەرێوەبەرێتیی بەشی مۆڵەتی شۆفێری دەستیکردووە بە پێدانی ڕاستەوخۆ بۆ ( مۆڵەتی شۆفێری نێودەوڵەتی )”.
داواشدەکات، ھەرکەسێک خوازیاری بەدەستھێنانی مۆڵەتی شۆفێری نێودەوڵەتی بکات لەسنووری پارێزگای سلێمانی و ئیدارە سەربەخۆکان و پارێزگای ھەڵەبجە دەتوانێت سەردانی بەشی مۆڵەتی شۆفێری بکات لەبەرێوەبەرایەتیی ھاتوچۆی سلێمانی.
ئاماژەبەوەشکراوە، هەرکەسێک داواکاری پێشکەشبکات لەھەمان ڕۆژدا و لەکەمترین ماوەدا مۆڵەتەکەی وەردەگرێت.
