پێکانی کریستیانۆ ڕۆناڵدۆ له جۆری قورس نییه، به‌ڵام ماوه‌ی هه‌فته‌یه‌ک بۆ دوو هه‌فته ده‌خرێته ژێر چاودێری ستافی پزیشکی یانه‌ی یوڤانتۆسه‌وه.
له‌م باره‌یه‌وه ئه‌ندریا پێرلۆ رایگه‌یاندووه، ” کریستیانۆ گرنگی ئه‌وتۆی هه‌یه بۆ یوڤانتۆس، نه‌ک به‌ته‌نها ئێمه، به‌ڵکو بۆ هه‌موو ئه‌و هه‌ڵبژارده و یانانه‌ی یاری بۆکردووه، له یارییه‌که‌دا هه‌ستمانکرد کێشه له قوله‌پێی قاچی ڕاستیدا هه‌یه و وه‌ک ڕێکارێکی خۆپارێزی ئاڵوگۆڕمان پێکرد”.
به‌پێی زانیارییه‌کانی ڕۆژنامه‌ی توتۆ سپۆرت، دۆنی پۆرتوگال دووچاری نوشتانه‌وه‌ی قوله‌پێی ڕاستی هاتووه، دواتر وه‌ک له وێنه‌کاندا ده‌رکه‌وتووه سه‌هۆڵاوی له‌سه‌ر شوێنی پێکانه‌که‌ی داناوه، ئه‌وه‌ش واتای ئه‌وه ده‌گه‌یه‌نێت که پێکانه‌که‌ی قورس نییه، ستافی پزیشکی یانه‌که‌ش داوایانکردووه ماوه‌یه‌ک حه‌وانه‌وه‌ی پێبدرێت و بخرێته ژێر چاودێرییه‌وه تاوه‌کو جومگه‌ی قوله‌پێی به‌ره‌و خراپبوون نه‌چێت.
به‌هۆی ئه‌م بڕیاره‌وه، یاریزانه‌که ناتوانێت له هه‌فته‌کانی داهاتوودا به‌درێسی هه‌بژارده‌ی پۆرتوگاله‌وه به‌شداری چالاکییه نێوده‌وڵه‌تییه‌کان بکات.
