کەشتییەکی ئاسمانیی ئاژانسی ناسای ئەمریکی گەیشتووەتە ناوچەیەکی نزیک لە ئەستێرەی ”خۆر”، کە تاوەکو ئێستا ناوچەیەکی ناڕوون بووە لای زانایان و بە ناوچەی (هالة)ی خۆر ناودەبرێت.
زانایانی ناسا ئەو دەستکەوتەیان لە کۆبوونەوەی یەکێتیی جیۆفیزیایی ئەمریکی ڕاگەیاند و وەک دەستکەوتێکی بێپێشینە ناویانبرد.
نور ڕەئوفی، مامۆستا لە زانکۆی جۆنز هۆپکنزی ئەمریکی ڕایگەیاند، “ئەو دەستکەوتەی کەشتیی پارکەر بەدەستیهێناوە، زۆر دڵخۆشکەرە”.
هەروەها جەستن کاسپەر، مامۆستا لە زانکۆی میشیگان لەبارەی هەنگاوەكەوە وتی، “ئەو دوورییەی کەشتییەکە پێیگەیشتووە، نزیکترین ئاستی دوورییە لە خۆرەوە کە تائێستا زانست پێیگەیشتووە”.
ئاماژەی بەوەشکردووە، کەشتییەکە بەخێرایی 100 کیلۆمەتر لە چرکەیەکدا نزیکدەبێتەوە.
بەپێی زانایان ئەو “هالة”یەی خۆر زیاتر لەوەی پێشبینی دەکرێت خۆڵاوی و ناڕوونە.
ئەو زانیارییانەی کەشتیی ئاسمانیی کاسپەر کۆیاندەکاتەوە یارمەتیی زانایان دەدات بۆ تێگەیشتنی زیاتر لە بنەڕەتی ئەو گەردەلولانەی خۆر دروستی دەکات.
