ڕابیتەی خولی تۆپی پێی ئینگلتەرا ئاشكرایكرد، 42 حاڵەتی كۆرۆنا لە نێوان یاریزان و فەرمانبەرانی یانەكاندا تۆماركراون، ئەوەش گەورەترین ژمارەیە تۆماركرابێت لەوكاتەوەی ڤایرۆسەكە بڵاوبۆتەوە.
پێشتر بەهۆی كۆرۆناوە دوو یاریی یانەی تۆتنهام دواخرا و ئێستاش بەهۆی بڵاوبونەوەی ڤایرۆسەكە لەناو ئیدارەی یانەی مانچستەر یونایتددا، یارییەكەیان بەرامبەر برینتفۆرد دواخراوە.
ڕابیتەی خولی تۆپی پێی ئینگلتەرا ئاشكرایكرد، لە ماوەی یەك هەفتەدا پشكنینی كۆرۆنا بۆ 3 هەزار و 805 یاریزان و فەرمانبەر كراوە و 42 حاڵەتیان پۆزەتیڤ بوون.
ڕابیتەی خولی ئینگلتەرا دەڵێت تەندروستی لە پێش تۆپی پێوەیە و پێویستە هەموو ڕێكارێك بگرینە بەر بۆ ئەوەی ڕێگری لە بڵاوبونەوەی زیاتری ڤایرۆسەكە بكەین.
یانەكانیشیان ناچار كردووە پابەند بن بە پرۆتۆكۆڵی تەندروستییەوە و بەدووریشی نازانن خولی تۆپی پێی وڵاتەكەیان بۆ چەند هەفتەیەك ڕابگرن.
