بەڕێوەبەرانی یانەی لیڤەرپوڵ ئامادەییان نیشانداوە تەواوی داواکارییە داراییەکانی محەمەد سەڵاح جێبەجێبکەن، کە دەیکاتە گرانبەهاترین یاریزانی یانەکەی.
فابریزیۆ ڕۆمانۆ، ڕۆژنامەنووس و شارەزای بواری گواستنەوەکان لەبارەی محەمەد سەڵاحەوە ئاشکرایکردووە، یاریزانی ناوبراو لە ئێستادا هەفتانە 200 هەزار پاوەند مووچە بەدەستدەهێنێت، لە هاوینی 2023 بۆندەکەی کۆتاییدێت و داوایکردووە بۆندێکی نوێی بە مووچەی هەفتانەی 500 هەزار پاوەند بۆ تەرخانبکرێت.
داواکارییەکەی سەڵاح قورسە و دەیکات بە گرانبەهاترین یاریزان لە مێژووی لیڤەرپوڵ و یەکێک لە گرانبەهاترینەکانی خولی ئینگلیزی.
لەلایەکی دیکەوە تۆڕی “فوتباڵ ئینسایدەر” بڵاویکردووەتەوە، ئەگەر ئیدارەی ڕێدز بۆندی سەڵاح نوێنەکەنەوە، لەدەستیدەدەن، چونکە یاریزانەکە تەمەنی 30 ساڵە و دەیەوێت کۆتا بۆند لە ژیانی وەرزشیدا واژووبکات، بەئەگەرێکی بەهێزەوە خەونەکانی لە یانەیەکی گەورەی دیکە بەدیدەهێنێت، بۆیە بەڕێوەبەرانی ڕێدز ئامادەییان نیشانداوە داواکارییەکەی جێبەجێبکەن، ئەوەش ناچاریدەکات تاوەکو 2024 لەڕێزەکانی لیڤەرپوڵ یاریبکات.
