سه‌رچاوه‌کانی هه‌واڵ له ئیتاڵیاوه ئاشکرایانکردووه، یانه‌کانی یوڤانتۆس و ناپۆلی بیر له دابڕینی یاریزانه نێوده‌وڵه‌تیه‌کان له هه‌ڵبژارده‌ی وڵاته‌کانیان ده‌که‌نه‌وه.
له دوو هه‌فته‌ی داهاتوودا چالاکییه نێوده‌وڵه‌تیه‌کان ده‌ستپێده‌کاته‌وه، یانه‌کان ترسیان له توشبوونی یاریزانانیان به کۆرۆنا هه‌یه.
یانه‌ی ڤێرده‌ربریمه‌نی ئه‌ڵمانی به فه‌رمی گه‌ڕانه‌وه پێنج یاریزانی بۆ هه‌ڵبژارده‌ی وڵاته‌کانیان ڕه‌تکرده‌وه، له ئێستادا یانه‌کانی یوڤانتۆس و ناپۆلی ده‌یانه‌وێت هه‌مان هه‌نگاو بگرنه‌به‌ر.
به‌پێی زانیارییه‌کانی کۆرێری، هه‌ریه‌ک له ئه‌ندریا ئانێلی سه‌رۆکی یوڤی و ئاوریلیۆ دی لاورێنتسی سه‌رۆکی ناپۆلی کۆبوونه‌وه‌یان له‌گه‌ڵ بۆردی کارگێڕی ئه‌نجامداوه، پێشنیازی ئه‌وه‌یانکردووه ڕێگری له یاریزانه نێوده‌وڵه‌تییه‌کانیان بکه‌ن و ڕێگه‌نه‌ده‌ن به‌شداری چالاکییه‌کانی دوو هه‌فته‌ی داهاتووی یورۆ نه‌یشن لیگ و خول و پاڵه‌وانێتیه‌کانی دیکه بکه‌ن، به‌هانه‌شیان توشبوونی کریستیانۆ ڕۆناڵدۆ و زیانلێکه‌وتنی یانه‌ی یوڤانتۆس بووه له‌گه‌ڵ هه‌ڵبژارده‌ی وڵاته‌که‌ی، له کاتێکدا دۆنی پۆرتوگال یه‌کێکه له خۆپارێزترین یاریزانان و گرنگترینیان.
