بۆ دووەم جار تویتەرەكەی سەرۆك وەزیرانی هندستان هاككرا و هاككەرەكان تویتێكیان لەزاری سەرۆك وەزیرانەوە كردووە كە دەڵێت، “بیتكۆین بەكاردەهێنین و بەسەر هاوڵاتییاندا دابەشیدەكەین”.
ناریندرا مودی سەرۆك وەزیرانی هندستانە، دوو تویتەری هەیە كە یەكێكیان كەسییە و 61 ملیۆن فۆڵۆوەرزی هەیە، دووەمیان فەرمییە و 45 ملیۆن فۆڵۆوەرزی لەخۆی كۆكردووەتەوە.
ئەو هەژماری تویتەرەی كە تایبەتە بەخۆی، هاككرا و تویتێكیان لەڕێگەیەوە بڵاوكردەوە كە دەڵێت، “لەمەودوا حكومەتی هندستان دراوی بیتكۆین بەكاردەهێنێت و 500 بیتكۆینی كڕیوە و بەسەر هەموو هاوڵاتییاندا دابەشیاندەكات”.
ساڵی ڕابردوو تویتەرەكەی سەرۆك وەزیرانی هندستان هاككرا و تویتێكیان بۆكرد داوای لە هاوڵاتییان دەكرد پارە بدەن بە سندوقێك بۆ ڕووبەڕووبوونەوەی كۆرۆنا، بەڵام سندوقەكە ساختەبوو و لەلایەن هاككەرانەوە دانرابوو.
