چاڤی هێرناندێز، ڕاهێنەری بەرشلۆنە پێیوایە دەبێت دۆخەكە قبوڵ بكەن و لە یورۆپا لیگدا ڕكابەری بكەن.
پاش شكستی بەرشلۆنە بە سێ گۆڵی بێ بەرامبەر بە بایرن میونشن، چاڤی هێرناندێز جەختی كردەوە كە ئەوان نەیانتوانیوە ڕكابەریی بایرن بكەن.
وتیشی، “بەرشلۆنە نابێت ڕكابەری لە یورۆپا لیگدا بكات، بەڵام پێویستە قبوڵی بكەین”.
بەشێك لە وتەكانی چاڤی
- بەرشلۆنەم خۆشدەوێت و هەموو شتێك دەكەم بۆ بەهێزبوونەوەی
- نەمانتوانی ڕكابەریی بایرن میونشن بكەین، یاریی ترمان زۆر ماوە و هەوڵ دەدەین ئەم بارە لارە ڕێكبكەینەوە
- وەك یاریزان پێشتر بەشداریی یورۆپا لیگم كردووە، ئێستا وەك ڕاهێنەر هەوڵدەدەم بەدەستیبهێنم
- من توڕەم و ناچارم ئەم دۆخە قبوڵبكەم و خۆم ئامادەبكەم بۆ گۆڕانكارییەكان
- بەرشلۆنە دەبێت ڕكابەری لە چامپیۆنز لیگدا بكات نەك یورۆپا لیگ، بەڵام دەبێت دۆخەكە قبوڵبكەین
- بەشانازییەوە ڕووبەڕووی دۆخە خراپەكە دەبینەوە و كار بۆ ئەوە دەكەین بە بەهێزی بگەڕێینەوە
- تووشی شۆك بووم بەو جیاوازییەی لە نێوان هەردوو تیمەكە بینیم
- بەڵێن بە هاندەران دەدەم هەموو هەوڵێك بدەین بۆ بەهێزكردنەوەی بەرشلۆنە
