ڕێكخراوی لێبوردنی نێودەوڵەتی داوای گەڕاندنەوەی لانیكەمی 27 هەزار منداڵ دەكات لەوانەی باوانیان بەتۆمەتی پەیوەندیداربوون بە داعش لە كەمپی هۆل دەستبەسەركراون و دەڵێت، لەبەردەم بارۆدۆخی “مەترسیدار” و “نامرۆییدا”ن.
ڕێكخراوەكە لە ڕاگەیەندراوێكدا دەڵێن، ئەو منداڵ و تازە لاوانە كە لە بنەڕەتدا خەڵكی سوریا و عێراق و زیاتر لە 60 وڵاتی دیكەن، بێبەشكراون لە ئازادی و لە چێوەی سنوورداریی ژیان و كۆتوبەند لەسەر جموجوڵیان لەنێو كەمپەكەدا دەژین، لەكەشێكدا كە توندوتیژی بەسەریدا زاڵە.
دیانا سەمعان، توێژەرێكی كاروباری سوریا لە ڕێكخراوی لێبوردنی نێودەوڵەتی دەڵێت، ڕووبەڕووی “هەژاری، شۆك و مردن” دەبنەوە.
وتیشی، پێویستە حكومەتەكان ڕابوەستن لە ئەنجامنەدانی ئەركەكانیان پەیوەندیدار بە مافەكانی مرۆڤ و ڕێزگرتن لە مافی منداڵان لە ژیان و گەشەپێدان و، گەڕاندنەوەیان بۆ نیشتمانی خۆیان بكەنە كاری پێشینە.
لە ئازاری 2019 هەریەك لە هێزەكانی سوریای دیموكرات و هاوپەیمانیی نێودەوڵەتی ڕووخاندنی دەوڵەتی خەلافەتی داعشیان ڕاگەیاند، ئەمەش دوای شكستهێنان بە دواین مۆڵگەیان لە باغۆز.
لەوكاتەوە دەیان هەزار دەستبەسەركراو لە كەسوكار و خێزانی چەكدارانی داعش كە زۆرینەیان ژن و منداڵن لە كەمپی هۆل كۆكراونەتەوە، لەكاتێكدا دەیان هەزاری دیكەیان ئەوانن كە لە جەنگ هەڵهاتوون.
لێبوردنی نێودەوڵەتی دووپاتیشیدەكاتەوە، “گەڕانەوە بۆ نیشتمان تاكە هەلی دەربازبوونیانە لە كەمپەكە”.
