ئەمڕۆ لە چالاکیی چوارەم رۆژی پلاتفۆرمی ئین سلێمانی بریتیبوو لە ماراسۆنی نێودەوڵەتیی نەورۆز کە لە 5 کیلۆمەترەوە بۆ 21 کیلۆمەتر ئەنجامدرا و ئەنجامەکانی بۆ کچان و کوڕان یەکلاییکرانەوە.
پەیامنێری تۆڕی میدیایی ئێستا لەناو چالاکییەکەوە گواستییەوە، یەکەمەکانی ماراسۆنی ئین سلێمانی بەمجۆرەبوو:
- مستەفا موحسن تەمەن 16 ساڵ، لە بەغدادوە بەشدارییکردووە و یەکەمی کوڕان بووە بۆ ماراسۆنی پێنج کیلۆمەتری.
- نەرجس حسێن تەمەن 17 ساڵ، لە بەغدادەوە بەشداریکردووە و یەکەمی ئاستی کچان بووە بۆ ماراسۆنی پێنج کیلۆمەتری.
- حسێن عەسام تەمەن 24 ساڵ، لە بەغدادەوە بەشداریکردووە و یەکەمی کوڕان بووە بۆ ماراسۆنی 21 کیلۆمەتری.
- پشمان عەبدولڕەزاق لە هەمەدانەوە بەشداریکردووە و سێیەمی کوڕان بووە لە ماراسۆنی 21 کیلۆمەتری.
- دیانا کەریم سەعد، تەمەنی 24 ساڵە و لە بەغدادەوە بەشداریکردووە و یەکەمی کچان بووە لە ماراسۆنی 21 کیلۆمەتری.
- بوشرا رەئوف تەمەن 24 ساڵ، لە رۆژهەڵاتی کوردستانەوە بەشداریکردووە و دووەمی کچان بووە لە ماراسۆنی 21 کیلۆمەتری.
