نرخى نه‌وت به‌رزبوونه‌وه‌یه‌كى خێراى تۆماركرد و نرخى یه‌ك به‌رمیل نه‌وتى برێنت بۆ سه‌روو 82 دۆلار به‌رزبووه‌وه.
له‌گه‌ڵ كردنه‌وه‌ى بازاڕه‌كانى نه‌وتدا، ئەمڕۆ نرخى نه‌وت به‌راورد به سه‌ره‌تاى هه‌فته به‌رزبوونه‌وه‌یه‌كى خێراى تۆماركرد، نرخى یه‌ك به‌رمیل نه‌وتى برێنت به 82.52 دۆلار مامه‌ڵه‌ى پێوه‌كرا.
هاوكات نرخى یه‌ك به‌رمیل نه‌وتى خۆرئاواى ئه‌مریكا به 80.84 دۆلار مامه‌ڵه‌ى پێوه‌كرا.
لەكاتێكدا لە چەند ڕۆژی ڕابردوودا نرخی نەوت زۆر دابەزی و هاتە نزیكەی 78 دۆلار.
ئاژانسی ڕۆیته‌رز بڵاویكرده‌وه، به‌هۆی زیادبوونى خواست له‌سه‌ر نه‌وت و به‌كارهێنانى یه‌ده‌گى نه‌وت له‌لایه‌ن ژاپۆن و ئه‌مریكا و چه‌ند وڵاتێكى دیكه‌وه، نرخى نه‌وت بەرزبووەتەوە.
