هێزەكانی كۆماندۆ هەواڵی “چەند پەیجێكی سێبەر” بەدرۆدەخاتەوە، گوایە لە خۆپیشاندانەكانی ئەمڕۆی خوێندكاراندا خراونەتە حاڵەتی ئامادەباشییەوە، كۆماندۆ هەواڵەكە ڕەتدەكاتەوە و دووپاتیدەكاتەوە، “بۆ پاراستنی خەڵکی کوردستان دروستبووین و ئامانجمان پاراستنی خەڵكی كوردستانە”.
ئەمڕۆ “چەند پەیجێكی سێبەر” وایانبڵاوكردەوە، كە هێزی كۆماندۆ خراونەتە حاڵەتی ئامادەباشییەوە بۆ هەر حاڵەتێكی لەناكاوی خۆپیشاندانی خوێندكاران، بەڵام هێزی كۆماندۆ ڕەتیدەكاتەوە خرابێتنە ئامادەباشییەوە.
لە ڕوونكردنەوەكەی كۆماندۆدا هاتووە، “سەرجەم ئەو هەواڵانەی لە پەیچە سێبەرەکانەوە بەناوی کۆماندۆ بڵاودەکرێنەوە دوورن لە ڕاستییەوە، کۆماندۆ لە سەرەتای دروستبوونییەوە بۆ پاراستنی خەڵکی کوردستان کاریکردووە و قوربانیشی داوە”.
”بەم جۆرە هەواڵانە کۆماندۆی کوردستان ناشیرین نابێت، ئامانجمان ڕوونە، پاراستنی خەڵکی کوردستان ئەرکی ئێمەیە”، لە ڕوونكردنەوەكەی هێزی كۆماندۆی كوردستاندا هاتووە.
