ئەکادیمیای جیهانیی تایکواندۆ، بەفەرمی پشتوێنی ڕەشی دان 9ی بەخشییە دۆناڵاد ترامپ، سەرۆکی پێشووی ویلایەتە یەکگرتووەکانی ئەمریکا.
سەرۆکی پێشووی ئەمریکا بەڵێنی دا، لەئەگەری هەڵبژاردنەوەی وەک سەرۆکی وڵات و گەڕانەوەی بۆ کۆنگرێس، ئەو بەرگەی لەلایەن ئەکادیمیای تایکواندۆوە پێیبەخشراوە لەناو کۆنگرێس بیپۆشێت و شانازی پێوەبکات.
پشتوێنی ڕەشی دان 9 بەرزترین پلە و پشتوێنە یاریزانێکی تایکواندۆ بەدەستیدەهێنێت، ئەو پشتوێنەش کە بە ترامپ بەخشراوە فەخرییە، لەپای خۆشەویستی بۆ بوارەکە و هاوکاریکردنی ئەکادیمیای تایکوانۆ، ئەگەرنا وەک کەسایەتییەک هەرگیز لە بوارەکەدا کارینەکردووە.
ترەمپ لەو بارەیەوە دەڵێت، “شانازی دەکەم بەبەدەستهێنانی ئەو پلە باڵایەی تایکواندۆ، ئەم یارییە جەنگاوەری و بەرگریکردنە، بەهۆیەوە مرۆڤ دەتوانێت بەرگری لە خۆی بکات”.
ماڵپەڕی دەیلی مەیڵی بەریتانی لەو بارەیەوە نووسیویەتی، ڤلادیمێر پوتینی سەرۆکی ڕوسیا هەمان پشتوێنی لە بوارەکەدا هەیە، بەڵام ئەو سەرۆکە بە هەوڵ و ماندووبوونی لەو بوارەدا بەدەستیهێناوە، بەڵکو یەکێکە لە بەهێزترینەکانی وڵاتەکەی، لەئێستادا لەگەڵ ترەمپ هاوتایە، دەکرێت ڕووبەڕووبوونەوەیەک لەنێوانیاندا سازبکرێت، سەرەڕای ئەوەی سەرۆکی پێشووی ئەمریکا هیچ لەبارەی تایکواندۆوە نازانێت.
