ئەمریکا: ئێران نزیکبووەتەوە لە خاڵێک نەتوانێت بگەڕێتەوە بۆ ڕێککەوتنی ئەتۆمی

ڕۆبێرت مالی نوێنەری ئەمریکا بۆ کاروباری ئێران هۆشداری دەداتە ئێران لەوەی نزیکبووەتەوە لەخاڵێک کە نەتوانێت بگەڕێتەوە بۆ ڕێککەوتنی ئەتۆمی، ئەمەش دوای ئەوەی پەرەی بە پیتاندنی یۆرانیۆمی وڵاتەکەیدا لەدوای دانوستانەکانی ڤیەننا.

ڕۆبێرت مالی ڕایگەیاند، ئێران نزیکە لەوەی کارێکی مەحاڵ بکات بەجۆرێک گەڕاندنەوەی ڕێککەوتنی ئەتۆمی چیتر سوودی نەبێت.

لەم هەفتەیەدا لەکاتێکدا تاران و وڵاتانی بەشدار لە گفتوگۆکانی ڤیەننا ئامادەکاری دەکەن بۆ دەستپێکردنەوەی دانوستانەکان، ئاژانسی نێودەوڵەتیی وزەی ئەتۆم ڕایگەیاند، ئێران دەستیکردووەتەوە بە بەرزکردنەوەی ئاستی پیتاندنی یۆرانیۆم.

لە کاتی بەشداریکردنی لە کۆنگرەی مەنامە لە بەحرەین مالی وتی، ئەگەر ئێران بەردەوامبێت لەسەر ئەم هەنگاوانە، گەڕانەوە بۆ ڕێککەوتنی ئەتۆمی مەحاڵ دەبێت و تەنانەت ئەگەر بگەڕێینەوە بۆ ڕێککەوتنەکە هیچ سوودێکی نابێت.

ئێران و شەش وڵاتی دیکە کە هەریەکە لە، ئەمریکا، بەریتانیا، فەرەنسا، ڕوسیا، چین و ئەڵمانیا لەساڵی 2015ـدا ڕێککەوتنێکیان واژووکرد سەبارەت بە دۆسیەی ئەتۆمیی ئێران، بەپێی ڕێککەوتنەکە بەشێک لە سزاکانی سەر ئێران هەڵگیرا لەبەرامبەردا سنوور بۆ بەرنامە ئەتۆمییەکەی ئێران دانرا کە تەنها بۆ مەبەستی ئاشتی بەکاریبهێنێت.

بابەتی پێشتر

هۆشداری لە بەرزبوونەوەی نرخی دەرمان لەهەرێمی کوردستان دەدرێت

بابەتی دواتر

كامالا هاریس بۆ سێ كاتژمێر بووە سەرۆكی ویلایەتە یەكگرتووەكان

بابەتی پەیوەندیدار
زیاتر ببینە

سیاسەتی نوێی خۆی لەگەڵ جیهان ئاشكرادەكات
ئێران: چارەنووسی گەلەكەمان وابەستەی ڕێككەوتنی ئەتۆمی ناكەین

وەزیری دەرەوەی ئێران دەڵێت، “كۆماری ئیسلامیی ئێران، چارەنووسی گەل و وڵاتەكەی وابەستەی ڕێككەوتنی ئەتۆمی ناكات، بەڵكو بەرژەوەندییە هاوبەشەكان…