ڤیدیۆ.. جارێکی دیکە “زەنگی مەترسی” لە تاران بیسترا

لەماوەی سێ مانگدا چەندینجار “زەنگی مەترسی” کە دەنگێکی ئاگادار کردنەوەی خەڵکە لە تاران لێیداوە، بەڵام تا ئێستا هیچ ڕونکردنەوەیەکی ورد بە دانیشتوانی تاران نەدراوە.

ئەمڕۆ 12 ی ئازار جارێکی دیکە زەنگەکە لە تاران بیسترا و دانیشتوانی تاران ڤیدیۆیان گرتووە و دەڵێن ئەوانیش نازانن هۆکاری کارپێکردنی زەنەگەکە چییە.

پێشتر دامەزراوەی وزەی ئەتۆمی ئێران ڕایگەیاندبوو، زەنگەکە کارپێدەکەن وەک تێستێک تا لە کات و شوێنی پێویستدا خەڵکی ئاگادار بکەنەوە.

پێشتر ڕۆژنامەی وۆڵستریت جۆرناڵی ئەمریکی ئاشکرایکردبوو، لە کاتی نزیکبوونەوەی فڕۆکەی جەنگی ئیسرائیلی لە ئێران ئەو زەنگە کاریپێکراوە.

دوو مانگ پێش ئێستا لە کاتی کارپێکردنی زەنگەکەدا ڕێگە نەدرا فڕۆکەیەکی هێڵی ئاسمانی تورکش ئێرلانس بنیشێتەوە لە فڕۆکەخانەی “ئیمام خومەینی” لە تاران و ناچار کرا بگەڕێتەوە وڵاتی ئازەربایجان.

بابەتی پێشتر

ئیسرائیل هێرشیکردووەتە سەر 12 کەشتی ئێرانی

بابەتی دواتر

کرێکارێکی ڕۆژهەڵاتی لە هەولێر گیانی لە دەستدا

بابەتی پەیوەندیدار