ئامانج بنكەیەكی توركیا بووە.. سێ مووشەک ئاراستەی ناحیەی قەسرۆک کران

قائیمقامی قەزای شێخان ئاشکرایکرد، سێ مووشەک، کە لە پارێزگای موسڵەوە ‏ئاراستەکرابوون، لە نزیک ناحیەی قەسرۆک کەوتنەخوارەوە و هیچ زیانێکی گیانیی ‏نەبووە، ئامانج بنكەیەكی سەریازیی توركیا بوون، بەڵام دوورتر كەوتوونەتە خوارەوە. ‏

سەردار یەحیا قائیمقامی قەزای شێخان بەتۆڕی میدیایی ئێستای وت، مووشەکەکان ‏لەکاتژمێر 10:00ی بەیانیی ئەمڕۆ سێشەممە لەنزیک ناحیەی قەسرۆک ‏کەوتوونەتەخوارەوە و هیچ زیانێکی گیانیی نەبووە. ‏

ئاماژەی بەوەکردووە، ئاراستەی مووشەکەکان لە موسڵەوە بووە، “لەو ناوچانەی حەشدی ‏شەعبیی تێدایە”.‏

بەپێی لێدوانی قائیمقامی قەزای شێخان، مووشەکەکان ئاراستەی سەربازگەیەکی تورکیا ‏لەناحیەی زێلکان کراون، بەڵام دوورکەوتوونەتەوە و لەناحیەی قەسرۆک ‏کەوتوونەتەخوارەوە.‏

بابەتی پێشتر

گرژی لەنێوانیاندا دروستبوو<br>ڤیدیۆ.. پۆلیسی پۆڵەندا بە کوردی داوا لە کۆچبەران دەکات لە سنوورەکان دووربکەونەوە

بابەتی دواتر

هەواڵێک بۆ دایکان: شیری تەواوکەری خۆراکی کاریگەریی لەسەر گەشەی زیرەکیی منداڵ نییە

بابەتی پەیوەندیدار
Total
1
Share