سەرۆکی كۆمسیۆنی یه‌كێتیی ئه‌ورووپا، ئۆرسۆلا ڤۆن دێرلاین ڕایگەیاند کە بەمەبەستی بەرەنگاربوونەوەی گۆڕانی ئاووھەوا، پێویستە ساڵانە بەبڕی 470 ملیار یورۆ وەبەرھێنان بکرێت لەو بوارەدا و بۆئەو مەبەستەش 30%ی بودجەی یەکێتیی ئەوروپایان تەرخانکردووە.
ئۆرسۆلا ڤۆن دێرلاین سەرۆکی كۆمسیۆنی یه‌كێتیی ئه‌ورووپا ڕایگەیاند، پێویستە ھەنگاوی زیاتر بنرێت بۆ بەرەنگاربوونەوەی گۆڕانی ئاووھەوا و ئاشکرایکرد، “پێشبینی دەکەین بەبڕی 470 ملیار یورۆ پێویستمان بە وەبەرھێنانی ساڵانە ھەبێت بۆ بەرەنگاربوونەوەی گۆڕانی ئاووھەوا”.
وتیشی، بۆئەو مەبەستە پێویستە 30%ی پارەی بودجەی درێژخایەنی یەکێتیی ئەوروپا و بەرنامەی ڕزگارکردن تەرخان کراوە بۆ بەرەنگاربوونەوەی گۆڕانی ئاووھەوا”.
ئەمە لەکاتێکدایە لوتکەی COP26 ماوەی هەفتەیەکە بەردەوامە لە هەوڵەکانی بەردەوامە بۆ کەمکردنەوەی کاریگەرییەکانی گازە ژەهراوییەکان لەسەر گۆڕانی ئاووهەوای زەوی و قەتیسبوونی پلەکانی گەرما.
