ئەمڕۆ ئیدارەی یانەی بەرشلۆنە، چاڤی هێرناندێز وەك ڕاهێنەری نوێ بە ڕاگەیاندنەكان دەناسێنێت و سبەینێش سەرپەرشتیی یەكەم یەكەی مەشق و ڕاهێنان دەكات.
چاڤی لە شوێنی ڕۆناڵد كومان دەستنیشانكراوە، كە بەهۆی ئەنجامە خراپەكانەوە لە پۆستەكەی دوورخرایەوە.
بەرشلۆنە لەپلەی نۆیەمی ڕیزبەندیی خولی ئیسپانیا دەبینرێت و بەجیاوازیی یانزە خاڵ لەدوای ڕیاڵ سۆسیدادی پێشەنگەوەیە، بەڵام یارییەك كەمتری كردووە.
چاڤی هێرناندێزی ڕاهێنەری نوێی بەرشلۆنە دوای وەرگرتنی ئەركە نوێكەی، جەختی لەوە كردەوە، بە كاركردن كێشەكانی یانەكە چارەسەر دەكات.
