برونۆ فێرناندێز پێیوایە سۆلشایەری ڕاهێنەر ڕێنمایی پێویست نادات بە یاریزانەكان و ڕۆناڵدۆش تیپەكە بە بێ ئامانج دەبینێت.
ڕۆژنامەی دەیلی مەیل-ی بڕیتانی ئاشكرایكردووە، دەنگی ناڕازی لە ژووری خۆگۆڕینی یاریزانەكانی مانچستەر یونایتد دژ بە سۆلشایەری ڕاهێنەر، بەرزبووەتەوە.
ئەو ڕۆژنامەیە ئاشكرایكردووە، برونۆ فێرناندێز-ی یاریزانی هێڵی ناوەڕاست بە ڕوونی باسی لەوە كردووە كە ڕێنمایی پێویست لە ڕاهێنەرەوە وەرناگرن.
ڕۆناڵدۆی پۆرتوگالیش پێیوایە تیپەكە وەك ڕابردوو خواستی بردنەوە و بەدەستهێنانی ناسناوی نەماوە.
هەر بەپێی ڕۆژنامەكە، بەشێك لە یاریزانەكان پێیانوایە ئەو مامەڵەیەی سۆلشایەری ڕاهێنەر لەگەڵ ڤان دی بیكی هۆڵەندی ئەنجامی دەدات، گونجاو نییە و وەك پێویست هەلی یاریكردنی پێنادرێت.
