حكومەتی چین داوا لە هاوڵاتییانی وڵاتەكەی دەكات، ئامادەكاری بكەن بۆ حاڵەتی لەناكاو و پێداویستییەكانی ژیانی ڕۆژانە ئەمباربكەن.
وەزارەتی بازرگانیی چین لە ڕاگەیەندراوێكدا داوای لە هاوڵاتییانی وڵاتەكەی كردووە پێداویستییەكانی ژیانی ڕۆژانە و خۆراك لە ماڵەكانیان ئەمباربكەن وەكو ئامادەكارییەك بۆ ڕاگەیاندنی باری لەناكاو.
هەروەها وەزارەتەكە داوای لە حكومەتە خۆجێییەكان كردووە ئاسانكاری بۆ بەرهەمهێنانی بڕێكی زۆری گۆشت و میوە بكەن و پارێزگاری لە سەقامگیریی نرخیش بكرێت.
هاوكات بەپێی هەواڵی میدیاكانی چین، داواكارییەكەی حكومەتی وڵاتەكەیان بەهۆی پەرەسەندنی گرژییەكانی نێوان چین و تایوان، هەروەها مەترسییەكانی كۆرۆنا و بارانەوەیە.
